محتويات مقال (شركات تصميم مواقع الكترونية ):
- المدخل.
- ايه هي فلسفة تصميم المواقع الالكترونية؟
- تجربة وواجهة المستخدم.
- برمجة وامان المواقع الالكترونية.
- اسئلة شائعة (FAQ).
- الخاتمة.
- المراجع.
المدخل:
شوف ياسيدي كل التكنولوجيا والتطور اللي احنا عايشين فيه النهاردة خلى كل رجال الاعمال واصحاب البيزنس يغيروا من طريقة تفكيرهم بشكل اجباري لان اللي هيفضل مصمم على الطرق القديمة في ادارة التجارة والاعمال هيوصل لا محالة لنقطة الفشل، ومن ضمن الحاجات اللي فرضت نفسها على طريقة تفكير اصحاب البيزنس انهم زمان كانوا بيسالوا نفسهم اصمم موقع الكتروني ولا لا؟.
النهاردة السؤال ده اتلغى وجيه مكانه سؤال مهم اكثر وهو ازاي اختار شركات تصميم مواقع الكترونية عندها القدرة انها ترسم مستقبلي ونجاحي وتكبرني من خلال الموقع الالكتروني اللي هتقوم بتصميمه، وده لاننا زي ما بنقول دايما وبناكد ان موقعك هو عنوانك وصورتك قدام العملاء المستهدفين ، هو بابك اللي هيوصلك للعالمية.
وده معناه ان المعادلة اتغيرت مبقتش ادفع فلوس في ويب سايت ولا لا ، دي بقت ازاي ادفع فلوس في ويب سايت احترافي يكبرني ويكبر شغلي؟
فلسفة تصميم المواقع الالكترونية؟
من بين مئات شركات تصميم المواقع الالكترونية اللي موجودة في مصر هتلاقي 90% من الشركات دي تقدر تصمملك ويب سايت شكله حلو، ولكن السؤال هنا هل الشكل الجمالي هو العنصر الوحيد لضمان موقع الكتروني احترافي بيقدر يوصل لتحقيق الاهداف اللي تم تصميمه علشانها؟
الاجابة لا
طبعا الشكل الجمالي وتناسق الالوان والخطوط عناصر مهمة لازم شركات تصميم المواقع الالكترونية تهتم بيها وانها تكون بتعكس الهوية البصرية للعميل وكمان تكون مناسبة لطبيعة عمله ومجاله، بس فيه اكثر من عامل تاني مهم جدا واكثر اهمية بكتير من التصميم الجمالي وتناسق الشكل وده شركات قليلة جدا من شركات تصميم المواقع الالكترونية هتقدر تقدمهولك.
الهدف الاساسي من فلسفة تصميم المواقع الالكترونية هو ضمان تحول اي زائر او مستخدم للويب سايت الى عميل وبالتالي زيادة المبيعات اللي بيترتب عليها زيادة الارباح يعني شركتك وشغلك بيكبر، وده ممكن يحصل من خلال عدة نقاط اهمها:
1- Encapsulation: ودي معناه ان لو عندي حدث مهم او عرض ميتفوتش او معلومة ضروري توصل لمستخدم الموقع الالكتروني لازم تكون معروضة بشكل يخطف العين يعني اول ما المستخدم يفتح الصفحة تكون هي اول حاجة عينه تيجي عليها وده بيتم من خلال ترتيب العناصر في منظومة عرض مناسبة وبحجم مناسب.
2- لازم محتوى الموقع الالكتروني يكون مترتب حسب اهميته لان ترتيب المحتوى بيقلل من تشتت المستخدم للموقع الالكتروني وعدم التشتيت ده بيزود جدا جدا من احتمالية ان الزائر يتحول لعميل.
3- الازرار والايقونات المهمة زي ايقونة الواتساب او زرار اتمام عمليات الشراء تكون محطوطة في الموقع الالكتروني بشكل مدروس ومحسوب بيعتمد على حاجة اسمها Eye tracking ومعناه تتبع حركة العين.
ازاي تعرف اذا كانت شركة تصميم المواقع الالكترونية هتقدملك تصميم عادي او تصميم احترافي؟
ببساطة جدا فريق تصميم المواقع الالكترونية اللي يقعد معاك ويبدأ يفهم منك طبيعة شغلك وطبيعة عملائك والمشاكل اللي بتقابلهم وايه الخطوة اللي انت مستنيها منهم اول ما يدخلوا على موقعك. كل ده اسمه عصف ذهني بتفهم من خلاله الشركة الاساسيات اللي هتعتمد عليها في تصميم ويب سايت احترافي.
وخليك دايما فاكر ان تصاميم المواقع الالكترونية الاحترافية بتقدم معدلات نجاح وعملاء اكثر بحوالي 40% من المواقع العادية والهواة.
تجربة وواجهة المستخدم في المواقع الالكترونية:
الوقت اللي الزائر او المستخدم او العميل بقضيه في صفحات موقعك احنا بنسميه تجربة المستخدم UX + واجهة المستخدم UI والاثنين دول اصحاب انتيم جزء لا يتجزأ كومبو على بعضه كده ومينفعش تصميم موقع الكتروني احترافي بدون تجربة وواجة مستخدم احترافية برضه يعني ايه؟
1- تجربة المستخدم في المواقع:
user experince او تجربة المستخدم واحنا بنختصرها او بنرمز ليها بـ UX تقدر ببساطة تقول انها كواليس الموقع الالكتروني اللي لو كانت مظبوطة ده هيخلي تصفح العميل لموقعك اسهل وبالتالي مش هيحس بالملل.
وشركات تصميم المواقع الالكترونية الاحترافية بتركز هنا على 3 حاجات اساسية:
1- ان المستخدم يقدر يوصل لاي حاجة بيدور عليها في الموقع في وقت لا يتعدى الثواني القليلة.
2- تنظيم صفحات الموقع بشكل واضح يسهل على العميل الوصول للصفحة المطلوبة ويبعد ذهنه عن التشتت.
3 – ان العميل او المتصفح يقدر يوصل للصفحة المطوبة باقل عدد ممكن من النقرات والتنقلات.
2- واجهة المستخدم في الموقع:
اذا كانت تجربة المستخدم هي الكواليس فواجهة المستخدم هي ديكور الموقع واجهة المستخدم او User interface وبنختصرها بـ UI ببساطة هو شكل الموقع الجمالي الالوان والخطوط ودي برضه مش بتختارها شركات تصميم المواقع الالكترونية بطريقة عشوائية ولا بالحب لا خالص دي برضه بنحددها حسب نظريات الالوان ودلالة كل لون.
1-الوان الموقع الالكتروني ودي بيتم اختيارها حسب الالوان اللي تتناسب مع الهوية البصرية لشركتك وفي نفس الوقت دلالة ومعنى اللون يخدم شغلك يعني مثلا اللون الازرق دايما بيدي احساس بالثقة والذكاء فهنلاقي ان معظم شركات التكنولوجيا بتعتمد اللون ده في تصميمتها، وكمان اللون البرتقالي والاصفر والاحمر والالوان دي دايما بتحفز نفسية العميل انه ياخد قرار الشراء وهنلاقي ده دايما في تصماميم المتاجر الالكترونية الكبيرة زي موقع امازون وموقع نون.
2- الخطوط المستخدمة في الموقع الالكتروني لازم تكون واضحة وسهلة في القراءة وخاصة لو المحتوى المعروض على صفحات الويب سايت طويل او محتوى علمي واكاديمي، ده بيكون مريح للعين وبيخلي المستخدم مستمتع اثناء تصفح موقعك وبيفضل فيه فترات طويلة واللي بينعكس بدوره على جوجل وبيحبك وبيحسن من ترتيب ظهور موقعك في النتائج المجانية.
برمجة وامان المواقع الالكترونية:
الشكل الجميل لصفحات موقعك الالكتروني ما هو الا ستارة بتخبي وراها مئات والاف الاكواد البرمجية علشان تظهر قدامك في شكل كتابات وصور والوان، لازم الاكواد البرمجية دي تون حصن منيع بيشتغل في الخفاء علشان يقدم اعلى جودة واحترافية ممكنة للمستخدم اثناء تصفح الويب سايت.
لازم تكون فاهم ان برمجة الشركة للموقع الالكتروني بتاثر بشكل مباشر على سرعة الويب سايت، وسرعة التحميل هي من اهم العوامل اللي بتاثر في الـ SEO الخاص بموقعك، وعلشان كده لازم البرمجة تكون نظيفة يعني ايه الكلام ده؟
1- قلل من عدد اكواد البرمجة على قد ما تقدر واحذف اي اكواد زيادة وملهاش لازمة علشان موقعك يكون سريع التحميل وسريع الاستجابة.
2- اشتغل باكواد برمجة تضمن عرض صفحات موقعك الالكتروني على جميع انواع المتصفحات والاجهزة بوضوح وسلاسة.
3- استخدم كود يضمنلك مساحة في المستقبل لتعديل موقعك او اضافة مميزات او خدمات، علشان متكونش مضطر انك تعمل الموقع من اول وجديد وتخسر كل شغلك ومجهودك عليه.
4- اتاكد ان فريق البرمجة الخاص بتصميم موقعك امن اي ثغرات ممكن الهاكر من خلالها يتحكم او يسرق موقعك (Firewalls).
5- احرص على ان شركة تصميم الموقع الالكتروني استخدمت شهادة امان SSL لتأمين بيانات المستخدم، خاصة اذا الموقع بيدعم عمليات الشراء والدفع الالكتروني.
اسئلة شائعة (FAQ):
س1: هل تصميم موقعي هيكون متوافق مع محركات البحث وتطبيقات الذكاء الاصطناعي؟
ج1: ده بيحصل لما تختار شركات تصميم مواقع الكترونية متخصصة ومحترفة وفاهمة، ده بينعكس على برمجة المواقع والمحتوى وبتستخدم ادوات جديدة زي Schema markup اللي بتساعد في ان موقعك يكون متوافق مع محركات البحث العادية زي Google او محركات بحث الذكاء الاصطناعي AI Application Search .
س2: هل الموقع الالكتروني بيحتاج صيانة او تعديلات بعد ما بيخلص؟
ج2: مش بيحتاج صيانة بالمعنى المتعارف عليه لكن اكيد الويب سايت بيحتاج متابعة من وقت للتاني علشان نتاكد من عوامل الامان في الموقع وسد الثغرات البرمجية اللي ممكن تسبب مشاكل، وكمان نعالج اي مشكلة ظهرت في سرعة وتحميل واستجابة الموقع.
س3: هو انا اقدر اعدل على محتوى الموقع بنفسي؟
ج3: معظم شركات تصميم المواقع الالكترونية بتعتمد في شغلها على حاجة اسمها WordPress من اهم مميزاته انه بيقدملك لوحة تحكم سهلة جدا ومش معقدة خالص من خلال لوحة التحكم دي بتقدر تعدل وتحذف وتضيف على محتوى الويب سايت الخاص بيك.
